Commembranza
Da cuminanza per la lingua e cultura rumantscha
Tgi che daventa commembra u commember da la Societad Retorumantscha (SRR), sustegna la perscrutaziun, la promoziun e la tgira dal rumantsch e contribuescha al mantegniment da la lingua e cultura rumantscha per las generaziuns.
Tge muventais e retschavais Vus cun Vossa commembranza?
- Vus rinforzais projects sco il Dicziunari Rumantsch Grischun.
- Vus retschavais infurmaziuns davart publicaziuns ed occurrenzas da la SRR.
- Vus retschavais invits ad activitads da l’uniun sco referats e vernissaschas.
- Vus essas part d’ina cuminanza dad umans, als quals la lingua rumantscha stat a cor – ideal per il barat, l’engaschi ed il contact.
Tgi po daventar commembra u commember e tge custa quai?
La SRR è organisada sco uniun ed averta per tuttas e tuts: persunas privatas, instituziuns u interpresas cun interess per la lingua, cultura e scienza rumantscha.
Tscherni Voss tip da commembranza ed As annunziai cun num ed adressa. La commembranza cumenza cun il pajament da la contribuziun annuala u da l’abunament da las Annalas resp. dal DRG.
- Commembra u commember pon ins daventar cun abunar il Dicziunari Rumantsch Grischun (CHF 55 per fascichel) ubain las Annalas da la Societad Retorumantscha (CHF 30 ad onn).
- Commembra u commember pon ins era daventar cun pajar ina contribuziun annuala sco:
- persuna singula (CHF 50; persunas pensiunadas u en scolaziun CHF 30)
- pèr/famiglia (CHF 80)
- persuna giuridica (CHF 150)
- fautura u fautur (a partir da CHF 250)
- pèr fautur (a partir da CHF 400)
- U ch’ins sa decida per in commembradi per vita duranta (persuna singula CHF 1’000; pèr/famiglia CHF 1’500)
