Vernissascha da las Annalas 139

La SRR envida gievgia, ils 22 d’october, a la vernissascha dal numer 139 da las Annalas. L’occurrenza cumenza a las 18:30 en la Chasa Rumantscha a Cuira, Via da la Plessur 47.

Barbara Cuffaro e Daniel Telli, il duo redacziunal da las Annalas, vegnan a dar in’invista generala. Ultra da quai pon els preschentar in nov register online per las Annalas. Svetlana Munderich e Claudia Cathomas preschentan en referats curts lur retschertgas publitgadas en las Annalas: «Il diever dil romontsch ellas annunzias automaticas dalla Viafier retica» e «‘Mias historias ha la veta scret.’ Prosa curta e texts autobiografics da Tresa Rüthers-Seeli».

Silsuenter offrescha la SRR in apero. Nus ans legrain sin Vossa preschientscha.